कभरगीतमा लोकप्रिय मुक्ता पाण्डेको अफिसियल  गीत 'सहीछाप'  सार्वजनिक (भिडियाेसहित)

काठमाडौं । मुक्ता एण्ड विनय क्रिएसनको पहिलो प्रस्तुति रोमान्टिक डान्सिङ गीत  'सहीछाप' सार्वजनिक भएको छ। 

डा. विनय दाहाल र मुक्ता पाण्डेको युगल स्वरमा रहेको गीतमा गीतकार  डिपी खनालको शब्दरचना र देवेन्द्र बरालको संगीत रहेको छ। गीतलाई विश्व अधिकारीले एरेन्ज गरेका हुन् ।

पछिल्लो समयका हिट म्युजिक भिडियो जोडी सुरेश कोहली र सजना गुरुङको अभिनय रहेको भिडियोमा नवराज उप्रेतीको सिनेमाटोग्राफी र मनोज कार्कीको सम्पादन रहेको छ। भिडियोलाई चर्चित निर्देशक मौसम हिमालीले निर्देशन गरेका हुन् ।

लामो समयदेखि अमेरिकामा रहेर पेशाले चिकित्सक रहेका डा. विनय  र पेशाले अधिवक्ता रहेकी मुक्ता गीत गायनमा पनि उत्तिकै अब्बल बन्ने कोसिसमा रहेका छन् । यसअघि मुक्ता पाण्डेद्वारा गाइएको धेरै कभर गीतहरुलाई सामाजिक संजाल फेसबुकमा धेरै रुचाइएको थियो। 'सहीछाप ' गीतलाई पनि यसअघिका कभर गीतहरु जस्तै दर्शकले मन पराउनेमा मुक्ता विश्वस्त रहेकी छिन् । 
भिडियाेः