एजेन्सी । मोजतबा खामेनी ले अमेरिकी राष्ट्रपति डोनाल्ड ट्रम्प ले घोषणा गरेको दुई हप्ते युद्धविरामपछि आफ्ना सबै सैन्य इकाइलाई तत्काल आक्रमण रोक्न निर्देशन दिएका छन्।
यद्यपि, उनले यो कदम दीर्घकालीन शान्तिको संकेत नभएको स्पष्ट पार्दै आवश्यक परे प्रतिकारका लागि तयार रहन पनि निर्देशन दिएका छन्। यसबीच इजरायल ले युद्धविराममा सहमति जनाए पनि केही क्षेत्रमा आक्रमण र मिसाइल चेतावनी जारी राखेको बताइएको छ।
सम्झौतामा हर्मुज जलमार्ग खुला राख्ने शर्त जोडिएको छ भने पाकिस्तान को मध्यस्थतामा थप वार्ताको तयारी भइरहेको छ।
यसै क्रममा विश्व बजारमा कच्चा तेलको मूल्य घट्नुका साथै शेयर बजारमा सुधार देखिएको छ, जसले अस्थायी रूपमा राहतको संकेत दिएको छ। राष्ट्रपति ट्रम्पले इरानको आक्रमण रोक्ने निर्णयको स्वागत गर्दै दीर्घकालीन समाधान आवश्यक रहेको बताएका छन्।
उनले इरानले पूर्ण रूपमा सैन्य गतिविधि नरोकेमा अमेरिका फेरि कडा कदम चाल्न तयार रहेको चेतावनी दिएका छन्। हर्मुज जलमार्ग खुला राख्ने विषयमा कुनै सम्झौता नहुने संकेतसमेत दिएका छन्, तर यसबारे इरान ले हालसम्म औपचारिक प्रतिक्रिया दिएको छैन।
विशेषज्ञहरूका अनुसार आगामी वार्ताले मध्यपूर्व क्षेत्रको भविष्य र स्थायी शान्तिको दिशा तय गर्ने अपेक्षा गरिएको छ।
फेसबुकबाट तपाईको प्रतिक्रिया