छिमेकी देशमाथि आक्रमण नगर्न इरानलाई हमासको आग्रह

एजेन्सी । प्यालेस्टिनी लडाकु समूह Hamas ले छिमेकी देशहरूमाथि आक्रमण नगर्न Iran लाई आग्रह गरेको छ।

हमासले एक वक्तव्य जारी गर्दै छिमेकी देशहरूमाथि आक्रमण नगर्न आग्रह गरेको अन्तर्राष्ट्रिय समाचार संस्था Reuters ले जनाएको हो। हमासले इरानलाई अमेरिका–इजरायलको आक्रमणको जवाफ दिने अधिकार भने रहेको बताएको छ। इरानी नीतिका विषयमा हमासले सार्वजनिक रूपमा टिप्पणी गरेको यो पहिलो पटक हो।

हमासले मध्यपूर्व युद्धमा इरानसँग ऐक्यबद्धता व्यक्त गरेको छ। तर अहिलेसम्म Israel माथि आक्रमण गर्ने धम्की दिएको छैन। साथै हमासले सबै देश तथा अन्तर्राष्ट्रिय संस्थाहरूलाई युद्ध रोक्न पनि आह्वान गरेको छ।

गत फेब्रुअरी २८ मा United States र Israel ले संयुक्त रूपमा इरानमाथि आक्रमण गरेका थिए। त्यसयता इरानले मध्यपूर्व क्षेत्रमा रहेका अमेरिकी सैन्य अड्डाहरूलाई निशाना बनाउँदै आक्रमण गरिरहेको छ।

मध्यपूर्वमा युद्ध शुरू भएको दुई हप्ता बितिसकेको छ। इजरायल, इरान र क्षेत्रीय समूहबीच मिसाइल, ड्रोन र रकेट आक्रमण तीव्र बन्दै जाँदा मानवीय तथा आर्थिक संकट गहिरिँदै गएको छ।