162
Shares
काठमाडौं — नेपाली कांग्रेस ले नवनिर्वाचित सांसदहरूका लागि ‘संसदीय सचेतना’ कार्यक्रम आयोजना गर्ने भएको छ। पार्टीका तर्फबाट संसदीय अभ्यास, प्रक्रिया, प्राथमिकता तथा प्रतिज्ञापत्रबारे जानकारी गराउने उद्देश्यले कार्यक्रम गर्न लागिएको हो।
पार्टीका महामन्त्री प्रदीप पौडेल का अनुसार प्रतिनिधिसभा र राष्ट्रियसभामा प्रत्यक्ष तथा समानुपातिकतर्फ निर्वाचित सांसदहरूका लागि कार्यक्रम शनिबार बिहान ११ बजे ललितपुरको सानेपास्थित केन्द्रीय कार्यालयमा सुरु हुनेछ।
कार्यक्रममा सभापति गगनकुमार थापा, उपसभापतिद्वय विश्वप्रकाश शर्मा र पुष्पा भुसाल तथा महामन्त्रीद्वय प्रदीप पौडेल र गुरूराज घिमिरे ले प्रशिक्षण दिनेछन्।
यसका साथै संसदीय मामिलाका जानकार राधेश्याम खतिवडा र मुकुन्द शर्मा लाई विज्ञका रूपमा आमन्त्रण गरिएको छ।
प्रतिनिधिसभा निर्वाचनमा कांग्रेसबाट प्रत्यक्षतर्फ १८ र समानुपातिकतर्फ २० जना तथा राष्ट्रियसभामा नौ जना सांसद निर्वाचित भएका छन्।
यसअघि बसेको केन्द्रीय कार्यसमिति बैठकले नवनिर्वाचित सांसदहरूका लागि अभिमुखीकरण कार्यक्रम सञ्चालन गर्ने निर्णय गरेको थियो।
फेसबुकबाट तपाईको प्रतिक्रिया