बालेन प्रधानमन्त्री बने, राष्ट्रपतिबाट शपथ; १५ सदस्यीय मन्त्रिपरिषद् घोषणा

काठमाडौं । बालेन्द्र शाह (बालेन) ले प्रधानमन्त्री पदको शपथ ग्रहण गरेका छन् । रामचन्द्र पौडेल ले शीतलनिवासमा आयोजित विशेष समारोहमा ३६ वर्षीय शाहलाई पद तथा गोपनीयताको शपथ गराएका हुन् ।

यसअघि राष्ट्रपति पौडेलले नेपालको संविधान २०७२ को धारा ७६ (१) अनुसार प्रतिनिधि सभामा बहुमत प्राप्त दलको नेताको हैसियतमा उनलाई प्रधानमन्त्री नियुक्त गरेका थिए । संविधान जारी भएपछि उक्त धाराअनुसार प्रधानमन्त्री नियुक्त भएको यो पहिलोपटक हो । साथै मधेशी समुदायका व्यक्ति प्रधानमन्त्री बनेको पनि पहिलोपटक हो ।

काठमाडौं महानगरपालिकाको मेयर पदबाट राजीनामा दिएर फागुन २१ मा सम्पन्न निर्वाचनमा सहभागी भएका शाह पहिलोपटक संसद् छिर्नेबित्तिकै प्रधानमन्त्री बनेका हुन् । झापा क्षेत्र नम्बर ५ बाट उनले पूर्वप्रधानमन्त्री केपी शर्मा ओली लाई झण्डै ५० हजार मतान्तरले पराजित गर्दै प्रतिनिधिसभा सदस्य निर्वाचित भएका थिए ।

मन्त्रिपरिषद् गठन

प्रधानमन्त्री शाहले १५ सदस्यीय मन्त्रिपरिषद् गठन गरेका छन् । उनले रक्षा र उद्योग मन्त्रालय आफैंसँग राखेका छन् ।

• स्वर्णिम वाग्ले — अर्थमन्त्री
• सुधन गुरुङ — गृहमन्त्री
• शिशिर खनाल — परराष्ट्रमन्त्री
• सुनिल लम्साल — भौतिक पूर्वाधार तथा यातायात र सहरी विकास
• विराजभक्त श्रेष्ठ — ऊर्जा, जलस्रोत तथा सिँचाइ
• खड्कराज पौडेल — पर्यटन
• सस्मित पोखरेल — शिक्षा, विज्ञान तथा प्रविधि र युवा तथा खेलकुद
• निशा मेहता — स्वास्थ्य तथा जनसंख्या
• विक्रम तिमिल्सिना — सञ्चार
• प्रतिभा रावल — सामान्य प्रशासन
• दीपक साह — श्रम रोजगार
• सोविता गौतम — कानुन
• गीता चौधरी — कृषि तथा पशुपन्छी विकास र वन तथा वातावरण
• सीता वादी — महिला, बालबालिका

नवगठित मन्त्रिपरिषद्ले चाँडै पहिलो बैठक बसेर कार्यविभाजन र नीतिगत प्राथमिकता तय गर्ने तयारी गरेको छ ।