मछिन्द्र एफसीले प्लानिङ ब्वाइजलाई २–० ले पराजित गर्दै लगातार तेस्रो जित

236 Shares

काठमाडौं । राष्ट्रिय लिग फुटबलमा मछिन्द्र एफसीले शनिवार त्रिपुरेश्वरस्थित दशरथ रंगशालामा प्लानिङ ब्वाइजलाई २–० ले हराएको छ।

यो जीतसँगै मछिन्द्रको लगातार तेस्रो जित भएको हो र उसले शीर्षस्थानको लालिगुराँससँग समान ९ अंक जोडेको छ। तर गोलअन्तरमा पछि परेकोले मछिन्द्र अहिले दोस्रो स्थानमा छ।

गोलकर्ताहरू

  • सौरभ सुब्बा : पहिलो हाफको अन्तिम चार मिनेटमा गोल गर्दै मछिन्द्रलाई अग्रता दिलाए।

  • जोनाथान जोरिल्ला : ७१औं मिनेटमा दोस्रो गोल गर्दै जित सुनिश्चित गरे।

यो खेलसँगै प्लानिङ ब्वाइजको राष्ट्रिय लिगमा पहिलो हार दर्ता भयो। पहिलो खेलमै विभागीय टोली नेपाल पुलिस क्लबलाई पराजित गरेको प्लानिङ ब्वाइजले दोस्रो खेलमा त्रिभुवन आर्मी एफसीसँग बराबरी खेलेको थियो।

आज (रविवार) राष्ट्रिय लिगमा त्रिभुवन आर्मी एफसी र चित्लाङ एफसीबीच साँझ ६:३० बजे दशरथ रंगशालामा खेल हुनेछ।