8
Shares
दक्षिण प्रशान्त महासागरमा अवस्थित भानुआटुका टापु आसपास आइतबार ६.१६ म्याग्निच्युडको भूकम्प गएको छ । जर्मन भूविज्ञान अनुसन्धान केन्द्र (जीएफजेड)ले भूकम्प स्थानीय समयअनुसार अक्टोबर २५ मा गएको बताउनुभयो ।
भूकम्पको केन्द्र करिब १२५ किलोमिटर गहिराइमा रहेको थियो । यसअघि शनिबार, अक्टोबर २४ मा पनि भानुआटु आसपास ६.९ म्याग्निच्युडको शक्तिशाली भूकम्प गएको थियो । अमेरिकी भूगर्भ सर्वेक्षण (यूएसजीएस) ले उक्त भूकम्पको केन्द्र पोर्ट ओल्रीबाट करिब १९७ किलोमिटर उत्तरपश्चिमतर्फ र १० किलोमिटर गहिराइमा रहेको जनाएको थियो ।
त्यसपछि आसपासका तटीय क्षेत्रमा सुनामीको चेतावनी जारी गरिएको थियो, जुन पछि हटाइएको हो । भानुआटु प्रशान्त महासागरको भूकम्पीय रूपमा सक्रिय क्षेत्रमा पर्दछ । यहाँ टेक्टोनिक प्लेटहरूको अन्तरक्रियाका कारण भूकम्प जाने जोखिम उच्च रहन्छ ।
फेसबुकबाट तपाईको प्रतिक्रिया