सप्तरीको खडक नगरपालिका–७ स्थित फुलेश्वर पब्लिक इङ्ग्लिस बोर्डिङ स्कुल को होस्टलमा १४ वर्षीय बालकको शंकास्पद मृत्यु प्रकरणमा स्कुल सञ्चालकसहित दुई जना पक्राउ परेका छन्।
पक्राउ पर्नेमा धीरेन्द्रप्रसाद चौधरी र भोला मण्डल रहेका छन्। उनीहरूमाथि आत्महत्या दुरुत्साहन कसुरमा अनुसन्धान भइरहेको प्रहरीले जनाएको छ।
७ वर्षदेखि होस्टलमा बस्दै आएका धर्मेन्द्रकुमार साह ७ चैत बिहान झुन्डिएको अवस्थामा मृत फेला परेका थिए। घटनापछि स्कुल पक्षले बालकलाई अस्पताल पुर्याएर मात्रै परिवार र प्रहरीलाई खबर गरेको खुलेको छ।
बालककी आमा ममता साह ले छोरामाथि कुटपिट भएको, घटना ढिलो जानकारी गराइएको र सीसीटीभी बन्द राखिएको भन्दै घटनालाई शंकास्पद बताएकी छन्।
यद्यपि, आरोप लागेकी सञ्चालककी श्रीमती शोभालाई हालसम्म प्रहरीले नियन्त्रणमा लिएको छैन र घटनाबारे थप अनुसन्धान जारी रहेको जनाएको छ।
फेसबुकबाट तपाईको प्रतिक्रिया