कांग्रेसका वरिष्ठ नेता श्रेष्ठको आज पुशपति आर्यघाटमा अन्त्येष्टि गरिंदै

काठमाडाैं । नेपाली कांग्रेसका दिवंगत वरिष्ठ नेता गोपालमान श्रेष्ठको बुधबार पुशपति आर्यघाटमा अन्त्येष्टि गरिंदैछ ।

८३ वर्षको उमेरमा मंगलबार निधन भएका श्रेष्ठ पछिल्लो समय क्यान्सर रोगबाट पीडित हुनुभएकाे थियाे। उहाँको पार्थिव शरीरलाई श्रद्धाञ्जलीका लागि बुधबार बिहान ९ देखि ११ बजेसम्म कांग्रेस केन्द्रीय कार्यालय सानेपामा राखिने भएकाे छ । स्याङ्जाबाट पटक-पटक सांसदमा निर्वाचित भएका श्रेष्ठ भौतिक योजना, वन, उद्योग र शिक्षामन्त्री बन्नुभएको थियो ।

मुलुकमा लोकतन्त्र स्थापनाको लागि भएको आन्दोलन र शान्ति प्रक्रियालाई अघि बढाउने कार्यमा उहाँले अग्रपंक्तिमा रहेर काम गर्नुभएको थियो । यहि साउन ७ गते कांग्रेसका सभापति गगनकुमार थापाले श्रेष्ठलाई पार्टीमा गरेको योगदानको कदर गर्दै वरिष्ठ नेता घोषणा समेत गर्नुभएको थियो ।