काठमाडौं । प्रधानमन्त्री बालेन्द्र शाह र भारतका विदेशमन्त्री डा. एस. जयशंकरबीच शिष्टाचार भेटवार्ता भएको छ। भारतको नयाँ दिल्लीस्थित होटल ताजमहलमा भएको भेटवार्तामा नेपाल–भारत सम्बन्धका विभिन्न आयाम तथा दुई देशबीचको आपसी सहकार्यलाई थप विस्तार गर्ने विषयमा छलफल भएको हो।
भेटका क्रममा नेपाल र भारतबीचको कनेक्टिभिटी, व्यापार, पारवहन तथा वाणिज्य, ऊर्जा, संस्कृति, शिक्षा र जनस्तरको सम्बन्धलगायतका विषयलाई प्राथमिकताका साथ उठाइएको बताइएको छ। दुवै देशबीच यी क्षेत्रमा रहेको सहकार्यलाई अझ प्रभावकारी बनाउँदै नयाँ सम्भावनाका क्षेत्रमा समेत साझेदारी विस्तार गर्ने विषयमा कुराकानी भएको थियो।
विशेषगरी दुई देशबीचको सम्पर्क सञ्जाललाई थप विस्तार गर्ने, व्यापार तथा पारवहनसम्बन्धी सहजीकरण गर्ने र ऊर्जा क्षेत्रमा आपसी सहयोगलाई अघि बढाउने विषयमा दुवै पक्षबीच विचार आदानप्रदान भएको जनाइएको छ। त्यस्तै, सांस्कृतिक आदानप्रदान, शैक्षिक सहकार्य तथा नागरिकस्तरमा रहेको सम्बन्धलाई थप प्रगाढ बनाउने विषयमा पनि छलफल भएको थियो।
भेटवार्तामा दुवै पक्षले नेपाल र भारतबीचको परम्परागत द्विपक्षीय सम्बन्धलाई थप सुदृढ बनाउने तथा पारस्परिक हितका क्षेत्रमा सहकार्य अघि बढाउने विषयमा विचार आदानप्रदान गरेका थिए।
भारतका प्रधानमन्त्री नरेन्द्र मोदीको निमन्त्रणामा प्रधानमन्त्री शाह दुईदिने राजकीय भ्रमणका लागि भारत पुगेका हुन्। भ्रमणका क्रममा नेपाल र भारतबीचको सम्बन्ध, आपसी हित तथा सहकार्यका विभिन्न विषयमा छलफल हुने कार्यक्रम रहेको छ।
प्रधानमन्त्री शाहको भारत भ्रमणलाई दुई देशबीचको कूटनीतिक सम्बन्ध र सहकार्यका विषयमा छलफल गर्ने अवसरका रूपमा हेरिएको छ। कनेक्टिभिटी, व्यापार, पारवहन, ऊर्जा, शिक्षा, संस्कृति र जनस्तरको सम्बन्धजस्ता क्षेत्रमा हुने छलफलले आगामी दिनमा द्विपक्षीय सहकार्यलाई अघि बढाउने आधार तयार गर्ने अपेक्षा गरिएको छ।
फेसबुकबाट तपाईको प्रतिक्रिया