ओखलढुंगामा कांग्रेसकाे महाधिवेशन सम्पन्न, कुमार लुईटेल विजयी

काठमाडौं । नेपाली कांग्रेसको १४ औँ महाधिवेशनअन्तर्गत ओखलढुङ्गाको केन्द्रीय महाधिवेशन प्रतिनिधि निर्वाचनको अन्तिम मतपरिणाम सार्वजनिक भएको छ ।

जिल्ला निर्वाचन समितिले सार्वजनिक गरेको मतपरिणाम अनुसार विभिन्न खुला तथा समावेशी विधाबाट प्रतिनिधिहरू निर्वाचित भएका छन् । केन्द्रीय महाधिवेशन प्रतिनिधि खुलातर्फ कुमार लुईटेल सर्वाधिक ११०९ मत ल्याएर विजयी हुनुभएको छ ।

त्यसैगरी रामहरी खतिवडाले १००० मत, रुद्र प्रसाद अधिकारीले ९२० मत, तेजन खनालले ९१६ मत, उज्जन बुढाथोकीले ९०३ मत, प्रदिप कुमार सुनुवारले ९०१ मत, कमल तामाङले ८९६ मत, नवराज के.सी. ले ७५८ मत, अजय लुईटेलले ७४४ मत र नविन राईले ७३९ मत प्राप्त गर्दै महाधिवेशन प्रतिनिधिमा जित हासिल गर्नुभएको छ ।

महिलातर्फ बाला अधिकारीले सर्वाधिक ८३५ मत प्राप्त गर्नुभएको छ । उहाँसँगै सुनिता अधिकारीले ७७९ मत, सुशिला तामाङले ७५१ मत र विन्दा वोगटीले ७४९ मत ल्याएर विजयी हुनुभएको छ । विषयगत र समावेशी क्षेत्रतर्फ पनि उम्मेदवारहरू निर्वाचित हुनुभएको छ ।

खिलानाथ दाहालले श्रमिक क्षेत्रबाट ७०३ मत ल्याएर जित दर्ता गराउनुभएको छ । पेशागत विषय विज्ञतर्फ राजकुमार ढुंगानाले ६७१ मत ल्याएर जित हासिल गर्नुभएको छ । ३५ वर्ष मुनिको युवा महिलातर्फ यसोदा कार्कीले ७८६ मत प्राप्त गरी विजयी हुनुभएको छ । ३५ वर्ष मुनिको युवा खुलातर्फ रोशन महतराले ७२३ मत र हरिचन्द्र श्रेष्ठले ६५९ मत ल्याएर विजयी हुनुभएको छ ।

अपाङ्गता क्षेत्रबाट गोपालमान थापाले ७२० मत ल्याएर जित हासिल गर्नुभएको छ भने अल्पसंख्यक क्षेत्रबाट रामकुमार सुनुवारले ६८० मत प्राप्त गरी विजयी हुनुभएको छ । दलित क्षेत्रबाट कमल बहादुर वि.क. ले ७४१ मत र होम बहादुर वि.क. ले ७०० मत ल्याएर विजयी हुनुभएको छ । प्रजातन्त्र सेनानी, सहिद परिवार तथा द्वन्द्व पीडित क्षेत्रबाट बालकृष्ण दाहालले ९२९ मत ल्याएर जित हासिल गर्नुभएको छ ।

आदिवासी जनजाति खुलातर्फ बुद्ध बहादुर तामाङले ७३३ मत, ज्ञानेन्द्र रुम्दालीले ६५६ मत र प्रविण राईले ६३३ मत प्राप्त गरी विजयी हुनुभएको छ । आदिवासी जनजाति महिलातर्फ चन्द्रकला तामाङले ८४७ मत, संगिता तामाङले ७८४ मत र पुतलीमाया राईले ७१५ मत ल्याएर जित हासिल गर्नुभएको छ ।

खसआर्य महिलातर्फ लाल कुमारी धमलाले ६९२ मत प्राप्त गरी विजयी हुनुभएको छ भने खसआर्य खुलातर्फ गोविन्द पौडेलले ८७१ मत र हरि प्रसाद दाहालले ६५३ मत ल्याएर महाधिवेशन प्रतिनिधिमा जित हासिल गर्नुभएको छ । निर्वाचन समितिका अनुसार मतगणना शान्तिपूर्ण रूपमा सम्पन्न भएको छ र विजयी उम्मेदवारहरूलाई औपचारिक रूपमा प्रमाणपत्र वितरण गर्ने तयारी भइरहेको छ।