दुर्गा प्रसाईँलाई तीन दिन थुनामा राखेर अनुसन्धान गर्न अदालतकाे अनुमति

काठमाडौं । मेडिकल व्यवसायी दुर्गा प्रसाईंलाई तीन दिन हिरासतमा राखेर अनुसन्धान गर्न काठमाडौं जिल्ला अदालतले प्रहरीलाई अनुमति दिएको छ।

सोमबार न्यायाधीश उद्धवप्रसाद गजुरेलको इजलासले प्रसाईंलाई हिरासतमा राखेर अनुसन्धान गर्न अनुमति दिएको हो। साइबर अपराधसम्बन्धी विषयमा अनुसन्धान गर्न प्रहरीले अदालतसमक्ष हिरासतमा राख्ने अनुमति माग गरेको थियो।

प्रहरीको साइबर ब्युरोको टोलीले प्रसाईंलाई सोमबार भक्तपुरस्थित निवासबाट पक्राउ गरेको थियो। पक्राउपछि उनलाई आवश्यक अनुसन्धान तथा कानुनी प्रक्रिया अघि बढाउन अदालतमा उपस्थित गराइएको थियो।

प्रहरीले साइबर अपराधसम्बन्धी कसुरमा अनुसन्धान गर्नुपर्ने भएकाले हिरासतमा राख्न अनुमति मागेको थियो। अदालतको अनुमतिसँगै अब प्रहरीले प्रसाईंमाथि सम्बन्धित विषयमा अनुसन्धान अघि बढाउने भएको छ।

प्रहरीले अनुसन्धानका क्रममा सामाजिक सञ्जाल तथा अन्य डिजिटल माध्यमबाट भएका गतिविधि, अभिव्यक्ति र त्यससँग सम्बन्धित तथ्य तथा प्रमाणबारे अध्ययन गर्ने जनाएको छ। अनुसन्धानबाट प्राप्त तथ्यका आधारमा थप कानुनी प्रक्रिया अघि बढाइनेछ।

प्रसाईंलाई पक्राउ गरिएको विषयमा थप विवरण प्रहरीले सार्वजनिक गर्न बाँकी रहेको छ। अदालतले दिएको तीन दिनको अवधिमा अनुसन्धान अघि बढाइने र आवश्यकताअनुसार कानुनी प्रक्रिया अगाडि बढ्ने बताइएको छ।