कालीमाटीमा आजका तरकारी तथा फलफूलको थोक मूल्य सार्वजनिक

काठमाडौं । कालीमाटी फलफूल तथा तरकारी बजार विकास समिति ले आजका लागि कृषिउपजको थोक मूल्य निर्धारण गरेको छ।

समितिका अनुसार गोलभेँडा ठूलो (भारतीय) प्रतिकिलो ७० रुपैयाँमा कारोबार भइरहेको छ भने सानो (लोकल/भारतीय) ३० रुपैयाँ र तराई गोलभेँडा ३६ रुपैयाँमा कायम भएको छ। आलु रातो २१ रुपैयाँ र भारतीय आलु २३ रुपैयाँ तथा प्याज (भारतीय) ३७ रुपैयाँ प्रतिकिलो रहेको छ।

हरियो तरकारीतर्फ गाजर, बन्दा, काउली र मूला जस्ता तरकारीको मूल्य १६ देखि ६० रुपैयाँसम्म रहेको छ भने भन्टा ५० देखि ७० रुपैयाँ प्रतिकिलोमा पाइन्छ। त्यस्तै, सिमी, करेला, लौका, परवर लगायतका तरकारी ६० देखि १२० रुपैयाँको बीचमा कारोबार भइरहेको छ।

त्यसैगरी, भिन्डी ११० रुपैयाँ, सखरखण्ड ७० रुपैयाँ, पिँडालु र स्कुस ६५ रुपैयाँ प्रतिकिलो तोकिएको छ। सागसब्जीतर्फ रायो, पालुङ्गो, मेथी, तोरी साग ५० देखि ९० रुपैयाँसम्म रहेका छन् भने हरियो प्याज १०० रुपैयाँ पुगेको छ।

च्याउतर्फ कन्य च्याउ १७० रुपैयाँ, डल्ले च्याउ ३३० रुपैयाँ, राजा च्याउ ३०० रुपैयाँ र सिताके च्याउ १,००० रुपैयाँ प्रतिकिलो तोकिएको छ।

फलफूलतर्फ स्याउ (फुजी) ३०० रुपैयाँ, केरा (दर्जन) २२० रुपैयाँ, कागती ३०० रुपैयाँ, अनार ३५० रुपैयाँ, अङ्गुर २२०–३५० रुपैयाँ र तरबुजा ५० रुपैयाँ प्रतिकिलो रहेको छ। साथै, स्ट्रबेरी ३०० रुपैयाँ र किबी ४५० रुपैयाँ प्रतिकिलो पुगेको छ।

मसला तथा अन्य वस्तुहरूमा अदुवा ९० रुपैयाँ, सुकेको खुर्सानी ४५० रुपैयाँ, अकबरे खुर्सानी ८०० रुपैयाँ र हरियो धनियाँ १२० रुपैयाँ प्रतिकिलो तोकिएको छ। लसुन (चाइनिज) २३० रुपैयाँ र नेपाली लसुन १५० रुपैयाँमा कारोबार भइरहेको छ।

समितिका अनुसार मूल्य माग र आपूर्तिअनुसार परिवर्तन हुन सक्नेछ।