8
Shares
काठमाडौँ । बाढीबाट प्रभावित परिवार तथा समुदायको राहत र पुनः स्थापनामा सहयोग पुर्याउने उद्देश्यले पद्म ज्योति ग्रुपले प्रधानमन्त्री दैवी प्रकोप उद्धार कोषमा १ करोड रुपैयाँ योगदान गरेको छ।
देशका विभिन्न क्षेत्रमा बाढीका कारण ठुलो जनधनको क्षति भइरहेका बेला प्रभावित नागरिकको राहत तथा पुनः स्थापना अभियानमा सहयोग पुगोस् भन्ने उद्देश्यले ग्रुपले उक्त रकम कोषमा प्रदान गरेको जनाएको हो।
पद्म ज्योति ग्रुपले विपद्को यस कठिन घडीमा प्रभावित सम्पूर्ण नागरिकप्रति गहिरो समवेदना व्यक्त गर्दै पीडित परिवारको शीघ्र पुनः स्थापना तथा जनजीवन सामान्य अवस्थामा फर्किन सकोस् भन्ने कामना गरेको छ।
विपद्का बेला निजी क्षेत्रबाट प्राप्त आर्थिक सहयोगले प्रभावित परिवारलाई राहत उपलब्ध गराउन तथा पुनः स्थापनाका कामलाई थप प्रभावकारी बनाउन महत्वपूर्ण योगदान पुग्ने अपेक्षा गरिएको छ
पद्म ज्योति ग्रुपको यो सहयोगले बाढी प्रभावित नागरिकप्रति निजी क्षेत्रको सामाजिक उत्तरदायित्व र मानवीय ऐक्यबद्धताको सन्देश दिएको छ।
फेसबुकबाट तपाईको प्रतिक्रिया