काठमाडौं । रामचन्द्र पौडेल ले मुलुकको शासकीय स्वरूप तथा राजनीतिक नेतृत्वको चरित्रमा सुधार आवश्यक रहेको बताएका छन् । उनले लोकतान्त्रिक व्यवस्थालाई प्रभावकारी, पारदर्शी र जनउत्तरदायी बनाउन नेतृत्व तहबाट नै व्यवहारिक परिवर्तन हुनुपर्नेमा जोड दिएका हुन् । राष्ट्रपति पौडेलले वर्तमान राजनीतिक अभ्यासमा देखिएका कमजोरीलाई समयमै सच्याउन नसके लोकतन्त्रप्रतिको जनविश्वास कमजोर बन्न सक्ने बताए ।
उनले सुशासन, विधिको शासन, नैतिक राजनीति र जनउत्तरदायित्वलाई व्यवहारमै लागू गर्नुपर्ने आवश्यकता औंल्याए । उनले राजनीतिक दलहरूबीच सहकार्य, सहमति र राष्ट्रिय हितलाई केन्द्रमा राखेर अघि बढ्नुपर्ने धारणा व्यक्त गरे । नेतृत्वको आचरण, कार्यशैली र जिम्मेवारीबोध नै लोकतन्त्रको सफलताको आधार भएको उल्लेख गर्दै उनले जनअपेक्षाअनुसार काम गर्न सके मात्र प्रणालीप्रति विश्वास बलियो बन्ने बताए ।
राष्ट्रपति पौडेलले राज्यका विभिन्न निकायबीच प्रभावकारी समन्वय आवश्यक रहेको उल्लेख गर्दै विकास, सुशासन र सामाजिक न्यायलाई प्राथमिकतामा राख्न आग्रह गरे । मुलुकको समृद्धि, स्थायित्व र लोकतान्त्रिक संस्कार सुदृढ बनाउन राजनीतिक चरित्रमा सुधार अपरिहार्य रहेको उनको भनाइ थियो ।
उनले लोकतान्त्रिक प्रणालीलाई बलियो बनाउन राजनीतिक दलहरूले आत्मसमीक्षा गर्दै जनतासँगको सम्बन्ध थप विश्वासिलो बनाउनुपर्ने आवश्यकता औंल्याए । साथै, युवापुस्तालाई राजनीतिप्रति आकर्षित गर्न स्वच्छ, मर्यादित र उत्तरदायी राजनीतिक अभ्यास आवश्यक रहेको पनि उनले बताए ।
फेसबुकबाट तपाईको प्रतिक्रिया