13
Shares
काठमाडौं । नेपाली कांग्रेसको केन्द्रीय अनुशासन समितिले निवर्तमान कार्यवाहक सभापति पूर्णबहादुर खड्कालाई सोधिएको स्पष्टीकरण फिर्ता लिने तयारी गरेको छ ।
सानेपामा सोमबार दिउँसो बस्ने अनुशासन समितिको बैठकले खड्कासँग माग गरिएको सात दिने स्पष्टीकरण फिर्ता लिने निर्णय गर्ने बताइएको छ । यसअघि २ वैशाखमा बसेको समितिको बैठकले उनीसँग स्पष्टीकरण सोध्ने निर्णय गरेको थियो ।
समितिले अदालतबाट विशेष महाधिवेशनबाट आएको नेतृत्वलाई मान्यता दिइसकेकाले स्पष्टीकरणको औचित्य समाप्त भएको निष्कर्षसहित उक्त निर्णय फिर्ता लिन लागिएको जनाएको छ ।
यद्यपि, खड्काले अनुशासन समितिको निर्णयलाई सुरुदेखि नै अस्वीकार गर्दै आएका छन् । उनले उक्त निर्णयलाई अवैधानिक भन्दै कडा टिप्पणी गरेका थिए ।
फेसबुकबाट तपाईको प्रतिक्रिया