सुनचाँदीको मूल्य उकालो, सुन प्रतितोला ३ लाख १ हजार पुगे

काठमाडौं। नेपाली बजारमा आइतबार सुनचाँदीको मूल्य बढेको छ। नेपाल सुनचाँदी व्यवसायी महासंघ का अनुसार शुक्रबार घटेको सुनको मूल्य आइतबार पुनः उकालो लागेको हो।

महासंघका अनुसार सुन प्रतितोला १ हजार २ सय रुपैयाँले बढेर ३ लाख १ हजार रुपैयाँमा कारोबार भइरहेको छ। यसअघि शुक्रबार सुन २ लाख ९९ हजार ८ सय रुपैयाँमा कारोबार भएको थियो।

त्यस्तै, चाँदीको मूल्य पनि बढेको छ। शुक्रबार प्रतितोला ५ हजार १ सय ३० रुपैयाँमा कारोबार भएको चाँदी आइतबार ५ हजार २ सय २५ रुपैयाँ पुगेको छ, जुन ९५ रुपैयाँको वृद्धि हो।

महासंघका अनुसार अन्तर्राष्ट्रिय बजारमा पनि सुनको मूल्य उच्च रहेकाले यसको प्रभाव स्थानीय बजारमा देखिएको छ। आइतबार अन्तर्राष्ट्रिय बजारमा सुन प्रतिऔंस ४ हजार ८ सय ३२ अमेरिकी डलरमा कारोबार भइरहेको जनाइएको छ।