काठमाडौं मा आज संघीय संसद बैठक: सभामुखमा डोलप्रसाद अर्यालको प्रस्ताव प्रस्तुत हुने

संघीय संसद अन्तर्गत प्रतिनिधिसभा र राष्ट्रियसभाको बैठक आज बस्ने भएको छ। सिंहदरबारस्थित निर्माणाधीन संसद भवनको बहुउद्देश्यीय हलमा बिहान ११ बजे प्रतिनिधिसभाको बैठक बस्नेछ।

बैठकमा डोलप्रसाद अर्याल लाई सभामुख पदमा निर्वाचित गरियोस् भन्ने प्रस्ताव पेश गरिने कार्यसूची छ। उहाँ यसअघि नै निर्विरोध चयन भइसकेका छन्। प्रस्तावकमा रवि लामिछाने र समर्थकमा स्वर्णिम वाग्ले, सोविता गौतम र सुनिल लम्साल रहेका छन्।

त्यस्तै, राष्ट्रियसभाको बैठक दिउँसो सवा १२ बजे बस्नेछ। बैठकमा विषयगत समितिका सदस्यहरूको मनोनयन तथा हेरफेर गरिनुका साथै अध्यक्षता गर्ने सदस्यहरूको नाम तोकिनेछ।

कार्यसूची अनुसार प्रधानमन्त्री बालेन्द्र शाह ले महिला आयोगको आर्थिक वर्ष २०८१/८२ को वार्षिक प्रतिवेदन पेश गर्ने कार्यक्रम पनि तय भएको संसद सचिवालयले जनाएको छ।