काठमाडौंमा रामचन्द्र पौडेल ले मुलुकलाई समृद्ध बनाउने कार्यमा सबै पक्ष एकजुट भएर लाग्न आह्वान गरेका छन्।
बुधबार निर्वाचन आयोग नेपाल ले आयोजना गरेको जलपान कार्यक्रममा बोल्दै उनले संघीय लोकतान्त्रिक गणतन्त्रले जनताको जीवनस्तर उकास्दै समृद्धि हासिल गर्ने लक्ष्य लिएको उल्लेख गरे।
राष्ट्रपति पौडेलले हालै सम्पन्न निर्वाचनबाट प्राप्त जनादेशले मुलुकको भविष्यलाई दिशा निर्देश गरेको बताउँदै जनप्रतिनिधिहरूको काँधमा ठूलो जिम्मेवारी आएको धारणा व्यक्त गरे। उनले लोकतन्त्रमा मत फरक हुन सक्ने भए पनि राष्ट्र निर्माणको साझा लक्ष्यमा सबै एकजुट हुने विश्वास व्यक्त गरे।
उनले निर्वाचनमा नागरिकको उत्साहपूर्ण सहभागिताले लोकतान्त्रिक प्रणालीप्रतिको विश्वास झनै मजबुत भएको उल्लेख गर्दै अब विकास, सुशासन र सामाजिक न्यायका लागि सहकार्य आवश्यक रहेको बताए।
सो अवसरमा राष्ट्रपति पौडेलले निर्वाचन सफलतापूर्वक सम्पन्न गराउन योगदान गर्ने नेपाल सरकार, निर्वाचन आयोग, राजनीतिक दल तथा सुरक्षा निकायप्रति आभार पनि व्यक्त गरे।
फेसबुकबाट तपाईको प्रतिक्रिया