काठमाडौंकाे बाँसबारीमा साढे २ तले घर भासियो

काठमाडौं । काठमाडौं महानगरपालिका–३ बाँसबारीमा रहेको साढे दुई तले घर भासिएको छ। काठमाडौं महानगरपालिकाका अनुसार बिहीबार राति करिब ८ बजे उक्त घर भासिएको हो।

बाँसबारी क्षेत्रमा रहेको उक्त घरमा न्यु गण्डकी गेस्ट हाउस सञ्चालन हुँदै आएको थियो। लगातार परेको वर्षाका कारण जमिन कमजोर बनेपछि घर भासिएको महानगरपालिकाले जनाएको छ।

घर भासिएपछि आसपासको क्षेत्रमा समेत केही समय त्रासको अवस्था सिर्जना भएको थियो। महानगरपालिकाका अनुसार घर भासिँदा त्यसमा कोही पनि नरहेको जानकारी प्राप्त भएकाले तत्काल मानवीय क्षतिको जोखिम भने नरहेको जनाएको छ।

वर्षाका कारण काठमाडौंका विभिन्न स्थानमा जमिन कमजोर हुने, पानी जम्ने तथा संरचनामा क्षति पुग्ने जोखिम बढिरहेका बेला बाँसबारीमा घर भासिएको हो। महानगरपालिकाले घटनाबारे जानकारी लिएर आवश्यक सुरक्षा तथा व्यवस्थापनका काम अघि बढाउने जनाएको छ।

घर भासिएको क्षेत्रको अवस्था तथा संरचनाको थप क्षतिको जोखिमबारे सम्बन्धित निकायले आवश्यक निरीक्षण तथा मूल्याङ्कन गर्ने अपेक्षा गरिएको छ। विशेषगरी लगातार वर्षा भइरहेका कारण वरपरका घर तथा संरचनामा समेत जोखिम हुन सक्ने भएकाले स्थानीयवासीलाई सावधानी अपनाउनुपर्ने देखिएको छ।

महानगरपालिकाका अनुसार घटनामा अहिलेसम्म कुनै मानवीय क्षतिको विवरण प्राप्त भएको छैन। यद्यपि वर्षा जारी रहेकाले कमजोर संरचना तथा जोखिमयुक्त क्षेत्रमा आवश्यक सतर्कता अपनाउनुपर्ने अवस्था रहेको छ।