बहराइन र बंगलादेशसहित ६ देशका नेपाली राजदूतलाई अर्को निर्णय नहुन्जेलसम्म स्वदेश नफर्कन सरकारकाे निर्देशन

काठमाडौं । सरकारले ६ देशमा रहेका नेपाली राजदूतलाई अर्को निर्णय नहुन्जेलसम्म स्वदेश नफर्कन निर्देशन दिएकाे छ।

कार्यकाल पूरा गरी उनीहरू फर्कने तयारीमा थिए । तर, सरकारले अर्को निर्णय नहुन्जेलसम्म नफर्कन निर्देशन दिएकाे छ।भनेको हो । बुधबार बसेको मन्त्रिपरिषद् बैठकबाट यस्तो निर्णय गरिएको हो । बहराइन, बंगलादेश, ब्राजिल, म्यानमार, अस्ट्रिया र इजिप्टका निम्ति नेपाली राजदूतलाई अर्को निर्णय नहुन्जेलसम्म नफर्कन भनिएको परराष्ट्र मन्त्रालयका प्रवक्ता लोकबहादुर पौडेल क्षेत्रीले बताउनुभयाे ।

हाल बंगलादेशमा घनश्याम भण्डारी, बहराइनमा तीर्थराज वाग्ले, ब्राजिलमा निर्मलराज काफ्ले, म्यानमारमा हरिश्चन्द्र घिमिरे, अस्ट्रियास्थित राष्ट्रसंघीय स्थायी नियोगका स्थायी प्रतिनिधिमा भरत रेग्मी र इजिप्टका निम्ति नेपाली राजदूतमा सुशील लम्साल रहेका छन् । राजदूत नियुक्तिमा ढिलाइ भएपछि सरकारले यस्तो निर्णय गरेको हो