साताको अन्तिम दिन नेप्सेमा हरियाली, परिसूचक १६.३८ अंकले बढ्यो
277
Shares
काठमाडौं । साता कारोबारको अन्तिम दिन शुक्रबार नेपाल स्टक एक्सचेञ्ज (नेप्से) परिसूचक १६.३८ अंकले बढेको छ । अघिल्लो दिन १२ अंकले घटेको बजार यस दिन सुधार हुँदै २७५८ अंकमा पुगेको हो ।
आजको कारोबार अवधिभर नेप्से सकारात्मक रह्यो र २७५८ अंक नै दिनको उच्चतम बिन्दु बन्यो । कारोबार रकम पनि उल्लेख्य बढेको छ । अघिल्लो दिन ३ अर्ब ८९ करोड रुपैयाँको कारोबार भएकोमा शुक्रबार ४ अर्ब ४८ करोड रुपैयाँ बराबरको सेयर किनबेच भयो ।
आज कुल २०३ कम्पनीको सेयर मूल्य बढ्दा ५७ कम्पनी घटेका छन् भने ८ कम्पनीको मूल्य स्थिर रह्यो ।
समूहगत रूपमा Hydropower समूह सबैभन्दा धेरै १.२९ प्रतिशतले बढ्यो । बैंकिङ ०.६१, विकास बैंक ०.३९, फाइनान्स ०.२८, होटल तथा पर्यटन ०.७५, लगानी ०.४३, उत्पादन तथा प्रशोधन ०.९५, माइक्रोफाइनान्स ०.१९, निर्जीवन बीमा ०.२८ तथा अन्य समूह ०.२७ प्रतिशतले बढे ।
यद्यपि व्यापार समूह भने ०.४२ प्रतिशतले घटेको छ ।
आज क्रेस्ट माइक्रोलाइफ इन्स्योरेन्स को सेयर मूल्य सबैभन्दा धेरै १४.८१ प्रतिशतले बढ्यो । त्यसपछि माबिलुङ इनर्जी ९.६४ प्रतिशत, आँखुखोला जलविद्युत् ६.९३ प्रतिशत, सुपरखुदी हाइड्रोपावर ६.७४ प्रतिशत तथा झापा इनर्जी ६.६९ प्रतिशतले बढे ।
मूल्य धेरै गुमाउनेमा म्युचुअल फन्ड र डिबेन्चरहरू अगाडि रहे ।
कारोबार रकमका आधारमा आज सर्वाधिक कारोबार भएका कम्पनीहरूमा आँखुखोला जलविद्युत्, रिडी पावर, नेसनल हाइड्रोपावर, अपी पावर तथा बुंगल हाइड्रोपावर रहेका छन् ।
फेसबुकबाट तपाईको प्रतिक्रिया