काठमाडौं । काठमाडौंको चन्द्रागिरि नगरपालिका–३ थानकोट खरिबोटमा चक्कु प्रहार गरि एक जनाको हत्या भएको छ । महोत्तरी घर भएका अन्दाजी ३८ वर्षीय समी अहमदले घरायसी विवादमा आफ्नो सालो पर्ने महोत्तरीकै अन्दाजी २५ वर्षीय जाकिर मन्सुरीलाई चक्कु प्रहार गरी हत्या गरेका हुन् ।
चक्कु प्रहारबाट घाइते मन्सुरीलाई उपचारका लागि सतुङ्गलस्थित मेडपोइन्ट अस्पताल लगिएकोमा उपचारको क्रममा शनिबार राति साढे ९ बजे चिकित्सकले मृत घोषणा गरेका थिए। जिल्ला प्रहरी परिसर काठमाडौंले चक्कु प्रहार गर्ने समी अहमदलाई प्रहरी वृत्त थानकोटले नियन्त्रणमा लिएको जनाएकाे छ ।
फेसबुकबाट तपाईको प्रतिक्रिया