23
Shares
काठमाडौं । काठमाडौं सुन्धारास्थित केन्द्रीय कारागारबाट एक महिला कैदी फरार भएकी छन्।
महिला ब्लकमा रहेकी २५ वर्षीया सपना तामाङ कारागारको पर्खाल नाघेर फरार भएकी हुन् । उपत्यका प्रहरी कार्यालयका प्रवक्ता एसएसपी प्रवीण धितालका अनुसार शुक्रबार बिहान करिब साढे १ बजे उनी कम्पाउन्डको पर्खाल नाघेर फरार भएकी हुन्।
तामाङलाई अदालतले शरीर बन्धक र ज्यान मार्ने उद्योग मुद्दामा कैद सजाय सुनाएको थियो। कारागारका अधिकारीहरूका अनुसार उनले झ्यालबाट चढेर पर्खाल नाघ्दै भागेको प्रारम्भिक अनुसन्धानमा देखिएको छ। घटनाबारे थप अनुसन्धान भइरहेको प्रहरीले जनाएको छ।
फेसबुकबाट तपाईको प्रतिक्रिया