10
Shares
काठमाडौं । राष्ट्रपति रामचन्द्र पौडेलले सरकारद्वारा सिफारिस गरिएको संवैधानिक परिषद् (काम, कर्तव्य, अधिकार र कार्यविधि) ऐन संशोधन सम्बन्धी अध्यादेश पुनर्विचारका लागि फिर्ता पठाएका छन् । राष्ट्रपति कार्यालयले आइतबार विज्ञप्ति जारी गर्दै अध्यादेश पुनर्विचार गर्नुपर्ने देखिएकाले फिर्ता पठाइएको जानकारी दिएको छ । यसअघि सरकारले सिफारिस गरेका सातवटा अन्य अध्यादेशहरू भने राष्ट्रपतिले जारी गरिसकेका छन् ।
यी अध्यादेशहरूमा केही नेपाल ऐनलाई संशोधन गर्ने अध्यादेश, स्वास्थ्य विज्ञान प्रतिष्ठान, सार्वजनिक पदाधिकारीको पदमुक्ति, विश्वविद्यालय, सहकारी, सार्वजनिक खरिद, र सम्पत्ति शुद्धीकरण (मनी लाउन्डरिङ) निवारण सम्बन्धी संशोधनहरू समावेश छन्।
फेसबुकबाट तपाईको प्रतिक्रिया