काठमाडौँ । नेपाल टेलिकमले डेटा प्याक सकिएपछि स्वतः मुख्य ब्यालेन्स नकट्ने व्यवस्था लागू गरेको छ। यस नयाँ व्यवस्थाअनुसार ग्राहकले खरिद गरेको डेटा प्याक सकिएपछि इन्टरनेट स्वतः बन्द हुनेछ र अतिरिक्त शुल्क स्वतः कट्ने छैन।
यसले अनावश्यक रूपमा ब्यालेन्स कटिने समस्याबाट सेवाग्राहीलाई राहत दिने अपेक्षा गरिएको छ। टेलिकमले आफ्ना अधिकांश सेवा अब अनलाइनमार्फत उपलब्ध गराउने नीति पनि अघि सारेको छ।
ग्राहकले डेटा प्याक खरिद, ब्यालेन्स जाँच, रिचार्ज तथा विभिन्न सेवा सक्रिय वा निष्क्रिय गर्ने कार्य मोबाइल एप तथा वेबसाइटमार्फत गर्न सक्नेछन्।
यस कदमले सेवा सहज, छिटो र पारदर्शी बनाउने विश्वास गरिएको छ। साथै, डिजिटल सेवाको प्रयोग बढाउँदै ग्राहकलाई घरमै बसेर सेवा लिन प्रोत्साहन गर्ने लक्ष्य टेलिकमको रहेको छ।
फेसबुकबाट तपाईको प्रतिक्रिया