काठमाडौं । संघीय संसद् सचिवालयको आह्वानमा बुधबार प्रतिनिधिसभामा प्रतिनिधित्व गर्ने राजनीतिक दलहरूको बैठक बस्ने भएको छ ।
संसद्का महासचिव पद्मप्रसाद पाण्डे ले दिउँसो २ बजे बैठक बस्ने जानकारी दिनुभएको हो। उहाँका अनुसार बैठक सिंहदरबारस्थित संसद् सचिवालयमा रहेको महासचिवको कार्यकक्षमा बस्नेछ।
गत फागुन २१ गते सम्पन्न प्रतिनिधिसभा निर्वाचनबाट ६ दलले प्रतिनिधित्व गरेका छन्। तीमध्ये राष्ट्रिय स्वतन्त्र पार्टी, नेपाली कांग्रेस, नेकपा एमाले, नेपाल कम्युनिस्ट पार्टी, श्रम संस्कृति पार्टी र राष्ट्रिय प्रजातन्त्र पार्टी रहेका छन्।
सचिवालयले यी दलहरूको बैठक बोलाएर अब संसद कसरी अघि बढाउने भन्ने विषयमा छलफल गर्ने जनाएको छ।
फेसबुकबाट तपाईको प्रतिक्रिया