प्रतिनिधि सभाकाे बैठक शुरु, कांग्रेसकाे विराेध कायमै

Kmc

काठमाडौँ । सङ्घीय संसद् अन्तर्गत प्रतिनिधिसभाको आजकाे बैठक  शुरु भएकाे छ ।

NLG InsuranceNECO
बिहान ११ बजेर १० मिनेटमा शुरु भएकाे बैठकमा आज पनि नेपाली कांग्रेसले गृहमन्त्रीकाे विषयमा संसदीय छानबिन समिति गठनकाे माग गरेकाे छ । आजकाे बैठकमा  वन तथा वातावरण मन्त्रालय, संस्कृति, पर्यटन तथा नागरिक उड्डयन मन्त्रालय र ऊर्जा, जलस्रोत तथा सिँचाई मन्त्रालयसम्बन्धी मौखिक प्रश्नहरूको सम्बन्धित मन्त्रीले उत्तर दिने कार्यसूची छ ।

बैठकमा सभामुख देवराज घिमिरेले प्रतिनिधिसभा अन्तर्गतको विषयगत समितिहरूमा सदस्यहरूको नाम हेरफेर गर्ने कार्यसूची रहेको पनि संसद् सचिवालयले जानकारी दिएको छ ।

यस्तै उपप्रधान एवम् परराष्ट्र मन्त्री नारायणकाजी श्रेष्ठले विमस्टेक बडापत्रको प्रावधानमाथि सदनमा छलफल र अनुमोदनका लागि बैठकमा प्रस्ताव गर्नेछन् भने कानुन, न्याय तथा संसदीय मामिला मन्त्री पदम गिरीले राष्ट्रियसभामा उत्पत्ति भएको विधायनसम्बन्धी विधेयक, २०८० प्रस्ताव प्रस्तुत गर्ने सम्भावित कार्यसूची छ ।