दयाहाङ र आँचलको ‘डिग्री माइला’ शुभमुहूर्त, छायाङ्कन आगामी शुक्रबारबाट

Kmc

काठमाडौं । कबड्डी सिरिजका निर्देशक रामबाबु गुरुङको निर्देशनमा बन्ने ‘डिग्री माइला-एमए थर्ड क्लास’ चलचित्रको शुभमुहूर्त गरिएको छ ।

NLG InsuranceNECO
आज बिहान नक्साल भगवतिमा पुगेको फिल्मको शुभमुहूर्त गरिएको हो । चलचित्रमा आँचल शर्मा र दयाहाङ राईको मुख्य अभिनय रहनेछ ।

अर्का साताको शुक्रबारबाट छायांकन सुरु हुने निर्माण पक्षले बताएको छ । छायांकन काठमाडौं ,ओखलढुंगा रुम्जाटारमा हुनेछ । दोस्रो सेडयुल मंसिर पहिलोहप्ताबाट हुनेछ ।

मण्डला थिएटरमा २०७१ मा तीन पटकसम्म मञ्चन भएको ‘डिग्री माइला’ नाटकको थिमबाट निर्माण हुन लागेको फिल्ममा दयाहाङ राई केन्द्रीय भूमिका छन् । शैक्षिक बेरोजगारीले युवाहरुमा ल्याएको निराशामा आधारित भएर फिल्म बन्नेछ । नाटक पनि यही विषयमा केन्द्रित थियो ।

चलचित्र आगामी बैशाख १ गते रिलिज गर्ने तयारी निर्माण पक्षको छ । निर्देशक गुरुङले गत साउन २९ गते चलचित्रको घोषणा गरेका थिए ।