NEWSHOUSENEPAL - 1663817116

युक्रेनलाई हराउँदै स्कटल्यान्ड शीर्ष स्थानमा

  • न्युज हाउस नेपाल
  • ६ असोज २०७९, बिहिवार

युइएफए नेसन्स लिग फुटबलअन्तर्गत समूह ‘बी’ ग्रुप वानको खेलमा स्कटल्यान्डले युक्रेनलाई ३-० ले पराजित गर्दै समूहको शीर्ष स्थानमा उक्लिएको छ। बुधबार राति भएको खेलमा तीन जित र एक हारसहित स्कटल्यान्ड नौ अंकसहित शीर्ष स्थानमा उक्लिएको हो।

समान खेलमा दुई जित, एक हार र एक बराबरीको नतिजा निकालेको युक्रेन दोस्रो स्थानमा झरेको छ। तेस्रो स्थानको आयरल्यान्डको चार खेलमा चार अंक छ भने समान खेलमा चौथो स्थानको अर्मेनियाको तीन अंक छ। पहिलो हाफ गोलरहित बराबरी भएको खेलमा ७० औँ मिनेटमा कप्तान जोन म्याकगिनको गोलमा स्कटल्यान्डले अग्रता लिएको थियो।

८० औँ मिनेटमा वैकल्पिक खेलाडीका रूपमा मैदान छिरेका लेन्डन डाइक्सले अग्रता दोब्बर बनाए। उनले नै अर्को पनि गोल गरेका थिए। अन्तिम समयमा लगातार गोल गरेको स्कटल्यान्डले तेस्रो गोल ८७ औँ मिनेटमा डाइक्सले सम्भव बनाएका थिए।

तीन महिनाअघि विश्वकपको प्लेअफमा भएको भेटमा भने युक्रेनले स्कटल्यानडलाई निराश पारेको थियो। समूहचरणमा अब सबै टिमले २-२ खेल खेल्न बाँकी छ।

थप समाचार
//CountDown